Академич Т.Шагдарсүрэнгийн нэрэмжит Анагаах ухааны хүрээлэн нь Translational and clinical research in Mongolia-2023 (TACRIM-2023) олон улсын хурлын хүрээнд 2023 оны 06 дугаар сарын 29-ний өдөр ОХУ-ын Зүүн Сибирийн анагаах ухаан, экологийн судалгааны хүрээлэнтэй хамтран ажиллах гэрээ байгуулж, Австралийн Жорж институт, Тайваний Каошунгийн анагаах ухааны их сургуулиудтай хамтран ажиллах санамж бичгүүдэд гарын үсэг зурлаа. Уг хамтын ажиллагааны хүрээнд талууд хамтран эрдэм шинжилгээний хурал хийх, судалгаа явуулах, хамтарсан сургалт, судлаач солилцоо хийх зэрэг асуудлыг тусгасан байна. Мөн тухайн байгууллагуудын цаашдын хамтын үйл ажиллагааны талаар хэлэлцэж, харилцан ойлголцож ярилцлаа.