Өвчтөн  50 настай, эрэгтэй  COVID-19 эсрэг мРНХ-ийн вакцины хоёр дахь тун хийлгэснээс 10 хоногийн дараа цээжээр хүчтэй өвдөх бие сулрах гэсэн зовуурьтай эмнэлэгт хандсан байна.

Бодит үзлэг: Инотропын дэмжлэгтэй АД 115/66 мм муб, зүрхний цохилт 104 уд./мин и сатураци  94% хүчилтөрөгчийн дэмжлэгтэй (8 л/мин).

Амьдралын түүх: Өвчтөн архи, тамхи хэрэглэдэггүй. Харшилгүй. Амьсгалын дээд замын цочмог халдварыг үгүйсгэсэн.

Ялган оношилгоо: перикардит, миокардит, зүрхний хурц шигдээс, Такоцубо кардиомиопати, саркоидоз.

ПСР шинжилгээ :  SARS-CoV-2 сөрөг

SARS-CoV-2 эсрэгбие: IgG 280 Ед/м  (сөрөг хариу <1) илэрсэн

ЗЦБ: синусын тахикарди (97 уд/мин), V1–V4  ST сегмент өргөгдсөн, Гиссийн баруун хөлийн бүтэн хориг ( рис.1).

Зураг. 1. Хэвтэх үеийн ЗЦБ (А): V1–V4  ST сегмент өргөгдсөн, Гиссийн баруун хөлийн бүтэн хориг. Гарах үеийн ЗЦБ (B): хэвийн ST сегмент.

Лабораторийн шинжилгээ: зүрхний тропонин-I 14644 нг/л (сөрөг хариу<40), креатинкиназа-MB 72 МЕ/л. Натри хөөгч пептидийн түвшин (BNP) 248 пг/мл.

Вируст халдварын серологийн оношлогоо: Эпштейн-Барр вирус, цитомегаловирус, аденовирус, амьсгалын-синцитиаль вирус, салхин цэцэг, улаан бурханы морбилливирус, улаанууд, энтеровирус, паротитын орторубулавирус, парвовирус, Коксаки вирусын  шинжилгээ СӨРӨГ.

Панель аутоантител:  өөрчлөлтгүй.

Цээжний рентген болон CT шинжилгээ:  Уушгины хаван дунд зэрэг, гэхдээ уушгины үрэвсэл биш.

Зүрхний соронзон-резонанст томографи (MRI): (A) – зүрхний миокардийн дунд хэсэгт таславчийн хананы хожуу үеийн (шар сум) шугаман тодрол. (B) Т2 – Богино тэнхлэгээр зүүн ховдлын нийт ханын өндөр эрчимтэй тодрол нь  зүрхний миокардийн хаван байгааг илтгэнэ (улаан сум). MRI-ийн шинж тэмдэг нь Лэйк -Луизагийн үндсэн шалгуураар цочмог миокардит гэж дүгнэв. 5 долоо хоногийн дараа МRI ( зураг.2) дээр шугаман тодрол (LGE) арилсан (C), зүүн ховдолын нийт ханын өндөр эрчимт нь хэвээр байна  (D).

Зураг.2.  Зүрхний соронзон-резонанст томографи (MRI)

Зүрхний эхокардиографи: зүрхний зүүн ховдлын агших чадвар (EF) 35%,  тархмал гипокинезитэй.

Зүрхний титэм судасны ангиографи: титэм судасны бөглөрөлт өөрчлөлт илрээгүй (зураг. 3).

Зураг. 3. Зүрхний короноангиографи: зүүн болон баруун  титэм судас хэвийн

Эндомиокардиаль биопси (ЭМБ): лимфоцит ба макрофагийн оролцоотой кардиомиоцитын олон голомтот хүнд үрэвсэл (зураг. 4). Хурц миокардит оношийг гистологийн шинжилгээгээр баталгаажуулсан.

Зураг.4. Эндомиокардиаль  биопси. (A, B) Гематоксилин-эозиноор будсан зүрхний эд эсийн дээжинд үрэвслийн эсүүд бүхий миокардит,кардиомиоцитын гэмтэл (сум)байгааг харуулж байна. (C, D) Дархлаа будалт нь В-лимфоцитуудаас илүү их хэмжээний Т-лимфоцитуудын (CD3+) нэвчилтийг харуулж байна. (E) CD68-ийн дархлаа будалт нь хэд хэдэн макрофагуудын нэвчилтийг харуулж байна.

Өвчтөн кардиогенийн шоктой ирсэн учир эрчимт эмчилгээний тасагт шилжүүлсэн ( Зураг. 5 ).

Эмчилгээ: Дааврын пульс-эмчилгээ (метилпреднизолон, хоногт 1.0 гр х 3 хоног). Өвчтөнд дааврын пульс-эмчилгээний дараа ч инотроп эмчилгээ хийх шаардлагатай байсан.

Эмнэлэгт хэвтсэн 6 дахь хоног  дээр өвчтөнд хүнд зэргийн АВ блокад  илэрсэн учир венийн  судсаар түр зуурын кардиостимуляторыг зүрхэнд суурилуулсан. Эхний дааврын пульс-эмчилгээ хийсний дараа зүрхний тропонин I-ийн  түвшин хурдацтай нэмэгдэж, 53292 нг/л дээд цэгтээ хүрэв.Дараа нь хоёр удаа дааврын пульс- эмчилгээг хийж (метилпреднизолон, хоногт 1.0 гр, 3 хоногийн турш),  цаашид преднизолоныг 40 мг  хоногт уухаар, аажмаар тунг бууруулах замаар үргэлжлүүлнэ.

8 дахь хоног: Артерийн даралт нь тогтворжсон тул инотроп эмчилгээ хийх шаардлагагүй болсон.

9 дахь хоног: Зүрхний  түр зуурын кардиостимуляторыг венийн судаснаас авсан.

18 дахь хоног: Преднизолон эмчилгээний курс дууссан, АВ блокад засарсан.  Өвчтөнд зүрхний дутагдлын эсрэг эмийн эмчилгээг зөвлөсөн (бисопролол, спиронолактон  болон сакубитрил/валсартан).

21 дахь хоног: Эмнэлэгт хэвтэж байх үед зүрхний тропонин I  түвшин хэвийн хэмжээнд хүртэл буурсан; зүрхний ЭхоКГ-зүүн ховдлын агших чадвар 60%, ханын  хөдөлгөөн хэвийн болсон.

 Зураг.5. Тропонин I (TnI) и креатинкиназа‐MB (CK‐MB). Дааврын пульс-эмчилгээний үеийн TnI и CK‐MB түвшин: оргил үед нь  даамжирсан АВ хориг ажиглагдсан.

Өвчтөн эмнэлэгт 22 хоног  хэвтээд гарсан. Эмнэлгээс гарсны дараах 2 долоо хоногийн ажиглалтын хугацаанд  өвчтөн ухаан алдаж, зүрхний дутагдлын хурцадмал шинж тэмдэг илэрсэн байна.

ЗЦБ: Атриовентрикуляр диссоциаци (зүрхний цохилт минутанд 62 ).

ЭхоКГ: Зүүн ховдлын EF 60%, ханын хөдөлгөөний өөрчлөлт илрээгүй.

Зүрхний тропонин I  223 нг/л, Натри хөөгч пептидийн түвшин (BNP) 1103 пг/мл.

Өвчтөн зүрхний дутагдлын улмаас эмнэлэгт хэвтэж шээс хөөх эм уусан. Долоо хоногийн дараа эмнэлгээс гарсан.

Т.Шагдарсүрэнгийн нэрэмжит Анагаах Ухаааны Хүрээлэн

Зүрх судасны мэс заслын сектор

Мэдээлэл бэлтгэсэн: Секторын эрхлэгч, АУ-ны доктор Б.Содгэрэл

Хянасан: ЭНБД, АУ-ны доктор Б.Батболд

Эх сурвалж : https://www.ncbi.nlm.nih.gov/pmc/articles/PMC8819635/